الاماراتى و كرسى الاعتراف
+5
مهى صبرى
om yousef
مبرمج
منى
emaraty
9 مشترك
صفحة 1 من اصل 1
الاماراتى و كرسى الاعتراف
من طرف emaraty الأربعاء أكتوبر 28, 2009 5:37 pm
اهلا بك عزيزى العضو على كرسى الاعتراف
طبعا معروف يا شباب اية اللى مطلوب
هنسالك شوية اسالة و تجاوب عليها بكل صراحة و وضوح
الاسم
العمر
العنوان
الوظيفة
الهواية
من اعز اصدقائك ؟
هل انت سعيد ام حزين ؟ و لماذا ؟
ما هو الحب ؟
ما هى الرومانسية ؟
ما هى الخيانة ؟
و كدة نكون انتهينا من الاسئلة
طبعا معروف يا شباب اية اللى مطلوب
هنسالك شوية اسالة و تجاوب عليها بكل صراحة و وضوح
الاسم
العمر
العنوان
الوظيفة
الهواية
من اعز اصدقائك ؟
هل انت سعيد ام حزين ؟ و لماذا ؟
ما هو الحب ؟
ما هى الرومانسية ؟
ما هى الخيانة ؟
و كدة نكون انتهينا من الاسئلة
emaraty- نائب مدير عام المنتدي
- عدد المساهمات : 155
تاريخ التسجيل : 28/10/2009
رد: الاماراتى و كرسى الاعتراف
من طرف منى الجمعة أكتوبر 30, 2009 4:38 am
الموضوع حلو بس يارب الا يقعد على الكلرسى ميقعش هههههههههههههههههههه
بي ياترى مين الا هيقعد الاول
بي ياترى مين الا هيقعد الاول
منى- مشرفة جامدة في قسم الاخبار العالمية
- عدد المساهمات : 159
تاريخ التسجيل : 29/10/2009
رد: الاماراتى و كرسى الاعتراف
من طرف مبرمج الجمعة أكتوبر 30, 2009 2:48 pm
هههههههههه
تعالة يا اسلام اقعد علي كرسي الاعتراف واعترف
تعالة يا اسلام اقعد علي كرسي الاعتراف واعترف
مبرمج- مدير عام المنتدي
- عدد المساهمات : 141
تاريخ التسجيل : 28/10/2009
العمر : 36
رد: الاماراتى و كرسى الاعتراف
من طرف emaraty الجمعة أكتوبر 30, 2009 3:16 pm
يعنى انا اللى سائل الاسئلة و انا اللى اجاوب برضو ههههههه
ازاى يعنى يلا عايزين اى حد يتبرع و يعد ما تعد انت و خلاص ههههه
ازاى يعنى يلا عايزين اى حد يتبرع و يعد ما تعد انت و خلاص ههههه
emaraty- نائب مدير عام المنتدي
- عدد المساهمات : 155
تاريخ التسجيل : 28/10/2009
رد: الاماراتى و كرسى الاعتراف
من طرف om yousef السبت أكتوبر 31, 2009 8:37 am
يعنى مفيش حد قعد خالص
عالعموم انا هتطوع واقعد اول واحده بس بشرط يااسلام
انت اللى تقعد بعدى عشان كان المفروض تكون اول واحد
ونلتدى بسم الله
الاسم منى
العمر هكمل 22 سنه يوم 15/11 لو ليا عمر باذن الله
يعنى كل واحد فيكوا يجهزلى هديه وتبطلوا استعباط هههههههه
واللى هيجى فى اليوم دا فاضى مش هدخله المنتدى
العنوان بنى سويف
الوظيفة ليسانس اداب علم ونفس
وبشتغل فى الشباب والرياضه
الهواية بحب الرسم جدا واى حاجه فيها رومانسيه
من اعز اصدقائك ؟ اعز صحابى تبقى رانيا وهى متجوزه دلوقت
وان شاء الله ربنا هيرزقها ببنوته قريب
هل انت سعيد ام حزين ؟ و لماذا ؟ الحمد لله على اى حاجه
ما هو الحب ؟ الحب دا اجمل حاجه خلقهالنا ربنا
وبيحصل غصب عنا فى اى وقت واى مكان لان قلوبنا بين اصبعى الرحمن يقلبها كيف يشاء
لكن المهم اننا نفهمه ونقدره ونعيشه صح
ما هى الرومانسية ؟ الرومانسيه دى عالم تانى اللى بيعيش فيه
بيبقى غير الناس كلها لانها بترفعه عنهم وبتعلى روحه
وبتخليه يشوف الحلوا من كل حاجه
ما هى الخيانة ؟ الخيانه
كلمه صعبه اوى عامله زى السكينه التلمه اللى بتدبح بيها
انسان امنك على روحه وقلبه ونفسه
يلا منتظره اشوف الباقيين
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف مهى صبرى السبت أكتوبر 31, 2009 10:24 am
بسم الله الرحمن الرحيم .
مــــن انـــــــتى ؟
2- ماهو هدفك ؟
3-ماهي أمنيتك ؟
4-ماهي رؤيتك للحياة ؟
5-ماهي رسالتك في هذه الحياة ولمن توجهيها ؟
6-ماهي التجربه التي تتمنى تكرارها ؟
7-ماهو أفضل مكان تترددى إليه ؟
8-مـــــن يطـــــربك ؟
9-من هو توأم روحك ؟
10- ماهو اكثر شئ تخشيه؟
11- مالذي يشعرك بأكثر قدر من الحرج ؟
12-شخص تحتاجين لقربه الآن منك ؟؟
13-متى تغضبى ؟
14-باقة ورد لمن تهديها ؟
15- باقة شوك لمن تهديها ؟
16- شخص لاترفضى له طلبا ؟
17-ماهي أعظم صفة تفضليها ؟
18-وماهي اكره صفة تنبذيها ؟
19-أعظم شيء فقدتيه ؟
20-وأعظم جرح دفنتيه ؟
21- اسوأ خبر سمعتيه ؟
22-ماذا يمثل لكى الموت ؟
23-دعوه صادقه من اعماق قلبك لمن تهديها ؟
24-اوصفى نفسك كما تراها ؟!
25-و اخيراً صفى نفسك بكلمات بسيطة كما يراكى الناس ؟؟؟؟
وكفاية كدا عليكى يامنمن ولنا عودة ان شاء الله
مــــن انـــــــتى ؟
2- ماهو هدفك ؟
3-ماهي أمنيتك ؟
4-ماهي رؤيتك للحياة ؟
5-ماهي رسالتك في هذه الحياة ولمن توجهيها ؟
6-ماهي التجربه التي تتمنى تكرارها ؟
7-ماهو أفضل مكان تترددى إليه ؟
8-مـــــن يطـــــربك ؟
9-من هو توأم روحك ؟
10- ماهو اكثر شئ تخشيه؟
11- مالذي يشعرك بأكثر قدر من الحرج ؟
12-شخص تحتاجين لقربه الآن منك ؟؟
13-متى تغضبى ؟
14-باقة ورد لمن تهديها ؟
15- باقة شوك لمن تهديها ؟
16- شخص لاترفضى له طلبا ؟
17-ماهي أعظم صفة تفضليها ؟
18-وماهي اكره صفة تنبذيها ؟
19-أعظم شيء فقدتيه ؟
20-وأعظم جرح دفنتيه ؟
21- اسوأ خبر سمعتيه ؟
22-ماذا يمثل لكى الموت ؟
23-دعوه صادقه من اعماق قلبك لمن تهديها ؟
24-اوصفى نفسك كما تراها ؟!
25-و اخيراً صفى نفسك بكلمات بسيطة كما يراكى الناس ؟؟؟؟
وكفاية كدا عليكى يامنمن ولنا عودة ان شاء الله
مهى صبرى- مشرف جامد
- عدد المساهمات : 157
تاريخ التسجيل : 29/10/2009
رد: الاماراتى و كرسى الاعتراف
من طرف emaraty السبت أكتوبر 31, 2009 3:39 pm
من اقرب الناس اليكى ؟
لما تكونى فى محنة مين اول شخص بتلجئيلو ؟
اية اكتر الاقسام اللى تحبى تدخليها فى اى منتدى ؟
لو معاكى 3 وردات ممكن تهديهم لمين من المنتدى ؟
اول ما تدخلى المنتدى مين اول عضو بتبحثى عن مشاركاتة (بصراحة)؟
اية شعورك لما بتثقى فى شخص و بمرور الايام تكتشفى انو مش اهل للثقة دى ؟
لكل انسان مبدا فى حياتة (ياترى اية مبدئك فى الحياة اللى مش ممكن تتخلى عنو )؟
اية اللى شاغل بالك دلؤتى غير اسئلة كرسى الاعتراف؟
و شكرا
و لنا عودة مرة اخرى
لما تكونى فى محنة مين اول شخص بتلجئيلو ؟
اية اكتر الاقسام اللى تحبى تدخليها فى اى منتدى ؟
لو معاكى 3 وردات ممكن تهديهم لمين من المنتدى ؟
اول ما تدخلى المنتدى مين اول عضو بتبحثى عن مشاركاتة (بصراحة)؟
اية شعورك لما بتثقى فى شخص و بمرور الايام تكتشفى انو مش اهل للثقة دى ؟
لكل انسان مبدا فى حياتة (ياترى اية مبدئك فى الحياة اللى مش ممكن تتخلى عنو )؟
اية اللى شاغل بالك دلؤتى غير اسئلة كرسى الاعتراف؟
و شكرا
و لنا عودة مرة اخرى
emaraty- نائب مدير عام المنتدي
- عدد المساهمات : 155
تاريخ التسجيل : 28/10/2009
رد: الاماراتى و كرسى الاعتراف
من طرف om yousef الأحد نوفمبر 01, 2009 1:19 am
يانهاركم ابيض 
هى كل الاسئله دى ليا ؟؟؟؟؟؟؟؟؟؟؟؟؟؟؟؟؟
لالالالالا احنا متفقناش على كدا من الاول
بقى دا جزائى انى اتطوعت وقعدت اول واحده
بدال مانتو سايبين الكرسى فاضى ااااااااااااااااااااه يانا
انا اللى جبت دا كله لنفسى
عالعموم مقدرش ارفضلكوا طلب طبعا
امرى الى الله هجاوب
هى كل الاسئله دى ليا ؟؟؟؟؟؟؟؟؟؟؟؟؟؟؟؟؟
لالالالالا احنا متفقناش على كدا من الاول
بقى دا جزائى انى اتطوعت وقعدت اول واحده
بدال مانتو سايبين الكرسى فاضى ااااااااااااااااااااه يانا
انا اللى جبت دا كله لنفسى
عالعموم مقدرش ارفضلكوا طلب طبعا
امرى الى الله هجاوب
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف om yousef الأحد نوفمبر 01, 2009 2:01 am
سم الله الرحمن الرحيم .
مــــن انـــــــتى ؟
انسانه عاديه جدا تلقائيه وبحب كل الناس اوقات بيقولولى انتى اجتماعياتك رخمه
لانى مفيش مكان اروحه الا لازم اخرج منه بناس عرفتهم حتى لو فى المواصلات
ومع ذلك اوقات اكون منطويه على نفسى جدا ومحبش اكلم حد
ورغم انى اعرف ناس كتير الا ان مش كلهم قريبين منى
عشان كدا ناس كتير اوقات يقولولى انى غامضه حتى اقرب الناس ليا
يمكن لانى مهما اتكلمت وحكيت مع حد بيبقى فيه حدود
او بحب احتفظ بحاجات لنفسى مفيش اى حد يعرفها
بحس انها ملكى انا ولو حكيتها بحس ان قيمتها ضاعت
2- ماهو هدفك ؟
كان ليا اهداف كتير اوى لكن الحمد لله كلها اتهدت
3-ماهي أمنيتك ؟
بتمنى ربنا يرضى عنى ويشفى كل الناس اللى بحبهم
4-ماهي رؤيتك للحياة ؟
الحياه لو ادتك لحظه حلوه اعرف انها ناويه تغدر بيك
دى من وجهة نظرى انا
5-ماهي رسالتك في هذه الحياة ولمن توجهيها ؟
رسالتى ! صراحه مش عارفه
بس لو تقصدى رساله اوجهها لحد فهى جمله انا بخاف منها اوى
( من استعجل شئ عوقب بحرمانه ) وطبعا بقولها للناس كلها
6-ماهي التجربه التي تتمنى تكرارها ؟
اجمل تجربه عشتها كنت بتدرب فى مركز ذوى الاحتياجات الخاصه
وكنت اتمنى اكمل معاهم لكن الظروف منعتنى واتمنى لو ترجع تانى
لان بجد احساس مش عارفه اوصفه انك تقدرى تساعدى طفل من دول
او حتى تخليه يحبك
7-ماهو أفضل مكان تترددى إليه ؟
لو تقصدى منتدى فانا بحب منتدى الاستاذ مصطفى حسنى
ودا يوميا موجوده فيه لانه بجد جميل جدا واتعرفت فيه على بنات
كلهم خير بجد علمونى حاجات حلوه كتير
8-مـــــن يطـــــربك ؟
يعنى مطرب يعنى ؟ بصراحه انا بحاول انى مسمعش اغانى
بس انا بحب اغانى زمان ربنا يهدينى
9-من هو توأم روحك ؟
لحد دلوقت مفيش لكن ليا صاحبتى قريبه منى
لكن توأم روحى اتمنى انه يكون جوزى باذن الله
10- ماهو اكثر شئ تخشيه؟
غضب ربنا
11- مالذي يشعرك بأكثر قدر من الحرج ؟
حاجات كتير لكن بتحرج اوى لما حد يجى يكلمنى ويبقى عارفنى كويس
وانا مش عارفاه او فاكراه بتحرج جدا لانى بحط نفسى مكانه
12-شخص تحتاجين لقربه الآن منك ؟؟
مش محتاجه غير قرب ربنا لانى جربت الناس
لقيت ان مفيش حد يستاهل القرب دا
13-متى تغضبى ؟
زمان كان صعب انى اغضب لدرجة ان اصحابى وحتى عندى فى البيت
كانوا يقولوا عليا تلاجه لكن فيه ظروف مريت بيها خلتنى عصبيه جدا
ممكن اتعصب واتنرفز من اقل حاجه
14-باقة ورد لمن تهديها ؟
اهديها ليكوا طبعا
15- باقة شوك لمن تهديها ؟
شوك ! مش هقولك لحد جرحنى
لانى واثقه ان ربنا هياخدلى حقى ( يمهل ولا يهمل )
عشان كدا مش هديها لحد لانى اكره أذية الناس مهما شفت منهم
16- شخص لاترفضى له طلبا ؟
انا عمرى مرفض طلب لحد طالما ان اقدر اساعده بيه
17-ماهي أعظم صفة تفضليها ؟
الاخــــــــــــــــــــــــــــــلاص
18-وماهي اكره صفة تنبذيها ؟
الخيـــــــــــــانه والكدب والغدر
19-أعظم شيء فقدتيه ؟
جدتى ربنا يرحمها
20-وأعظم جرح دفنتيه ؟
خليه مدفون احسن مش لازم اصحيه تانى
21- اسوأ خبر سمعتيه ؟
وانا فى تالته جامعه كنت عاوزه اسقط واختارت 3 مواد اشيلهم
وطبعا مكانش ينفع اسيب الورق فاضى عشان هتبان انى قاصداها
فكنت بكتب كلمتين وخلاص اجيب كام درجه المهم اشيل الماده وفعلا شلت 3 مواد
لكن ربنا مش بيتعاند اترفعت فى ماده وطلعت سنه رابعه معايا مادتين
وكانت اول مره فى حياتى اشيل حاجه لانى كنت بطلع بتقدير دايما
حسيت بحزن لانى فكرت اعاند ربنا فربنا عاقبنى لاانا اللى سقط ولا انا اللى طلعت بتقدير زى كل سنه
22-ماذا يمثل لكى الموت ؟
فـــــــــــــراق من غير امل للقا
23-دعوه صادقه من اعماق قلبك لمن تهديها ؟
اللهم اغفر للمسلمين والمسلمات المؤمنين والمؤمنات الاحياء منهم والاموات
وربنا يشفى اى حد مريض ويزيل عنه البلاء يارب
24-اوصفى نفسك كما تراها ؟!
رومانسيه زياده عن اللزوم كتير اوى بلغى عقلى فى التفكير
بتعامل بتلاقائيه اوقات بتودينى فى داهيه
25-و اخيراً صفى نفسك بكلمات بسيطة كما يراكى الناس ؟؟؟؟
مش هقدر اوصفلك نفسى زى مابيشوفونى الناس لان كل واحد له رأى
يعنى فيه ناس بيقولوا عليا طيبه وحنينه ودمى خفيف
فيه ناس تانيه ممكن يقولوا عليا مغروره وحصلت كتير
وكفاية كدا عليكى يامنمن ولنا عودة ان شاء الله
ماشلى يااستاذه مهى وانا منتظره عوتك
مــــن انـــــــتى ؟
انسانه عاديه جدا تلقائيه وبحب كل الناس اوقات بيقولولى انتى اجتماعياتك رخمه
لانى مفيش مكان اروحه الا لازم اخرج منه بناس عرفتهم حتى لو فى المواصلات
ومع ذلك اوقات اكون منطويه على نفسى جدا ومحبش اكلم حد
ورغم انى اعرف ناس كتير الا ان مش كلهم قريبين منى
عشان كدا ناس كتير اوقات يقولولى انى غامضه حتى اقرب الناس ليا
يمكن لانى مهما اتكلمت وحكيت مع حد بيبقى فيه حدود
او بحب احتفظ بحاجات لنفسى مفيش اى حد يعرفها
بحس انها ملكى انا ولو حكيتها بحس ان قيمتها ضاعت
2- ماهو هدفك ؟
كان ليا اهداف كتير اوى لكن الحمد لله كلها اتهدت
3-ماهي أمنيتك ؟
بتمنى ربنا يرضى عنى ويشفى كل الناس اللى بحبهم
4-ماهي رؤيتك للحياة ؟
الحياه لو ادتك لحظه حلوه اعرف انها ناويه تغدر بيك
دى من وجهة نظرى انا
5-ماهي رسالتك في هذه الحياة ولمن توجهيها ؟
رسالتى ! صراحه مش عارفه
بس لو تقصدى رساله اوجهها لحد فهى جمله انا بخاف منها اوى
( من استعجل شئ عوقب بحرمانه ) وطبعا بقولها للناس كلها
6-ماهي التجربه التي تتمنى تكرارها ؟
اجمل تجربه عشتها كنت بتدرب فى مركز ذوى الاحتياجات الخاصه
وكنت اتمنى اكمل معاهم لكن الظروف منعتنى واتمنى لو ترجع تانى
لان بجد احساس مش عارفه اوصفه انك تقدرى تساعدى طفل من دول
او حتى تخليه يحبك
7-ماهو أفضل مكان تترددى إليه ؟
لو تقصدى منتدى فانا بحب منتدى الاستاذ مصطفى حسنى
ودا يوميا موجوده فيه لانه بجد جميل جدا واتعرفت فيه على بنات
كلهم خير بجد علمونى حاجات حلوه كتير
8-مـــــن يطـــــربك ؟
يعنى مطرب يعنى ؟ بصراحه انا بحاول انى مسمعش اغانى
بس انا بحب اغانى زمان ربنا يهدينى
9-من هو توأم روحك ؟
لحد دلوقت مفيش لكن ليا صاحبتى قريبه منى
لكن توأم روحى اتمنى انه يكون جوزى باذن الله
10- ماهو اكثر شئ تخشيه؟
غضب ربنا
11- مالذي يشعرك بأكثر قدر من الحرج ؟
حاجات كتير لكن بتحرج اوى لما حد يجى يكلمنى ويبقى عارفنى كويس
وانا مش عارفاه او فاكراه بتحرج جدا لانى بحط نفسى مكانه
12-شخص تحتاجين لقربه الآن منك ؟؟
مش محتاجه غير قرب ربنا لانى جربت الناس
لقيت ان مفيش حد يستاهل القرب دا
13-متى تغضبى ؟
زمان كان صعب انى اغضب لدرجة ان اصحابى وحتى عندى فى البيت
كانوا يقولوا عليا تلاجه لكن فيه ظروف مريت بيها خلتنى عصبيه جدا
ممكن اتعصب واتنرفز من اقل حاجه
14-باقة ورد لمن تهديها ؟
اهديها ليكوا طبعا
15- باقة شوك لمن تهديها ؟
شوك ! مش هقولك لحد جرحنى
لانى واثقه ان ربنا هياخدلى حقى ( يمهل ولا يهمل )
عشان كدا مش هديها لحد لانى اكره أذية الناس مهما شفت منهم
16- شخص لاترفضى له طلبا ؟
انا عمرى مرفض طلب لحد طالما ان اقدر اساعده بيه
17-ماهي أعظم صفة تفضليها ؟
الاخــــــــــــــــــــــــــــــلاص
18-وماهي اكره صفة تنبذيها ؟
الخيـــــــــــــانه والكدب والغدر
19-أعظم شيء فقدتيه ؟
جدتى ربنا يرحمها
20-وأعظم جرح دفنتيه ؟
خليه مدفون احسن مش لازم اصحيه تانى
21- اسوأ خبر سمعتيه ؟
وانا فى تالته جامعه كنت عاوزه اسقط واختارت 3 مواد اشيلهم
وطبعا مكانش ينفع اسيب الورق فاضى عشان هتبان انى قاصداها
فكنت بكتب كلمتين وخلاص اجيب كام درجه المهم اشيل الماده وفعلا شلت 3 مواد
لكن ربنا مش بيتعاند اترفعت فى ماده وطلعت سنه رابعه معايا مادتين
وكانت اول مره فى حياتى اشيل حاجه لانى كنت بطلع بتقدير دايما
حسيت بحزن لانى فكرت اعاند ربنا فربنا عاقبنى لاانا اللى سقط ولا انا اللى طلعت بتقدير زى كل سنه
22-ماذا يمثل لكى الموت ؟
فـــــــــــــراق من غير امل للقا
23-دعوه صادقه من اعماق قلبك لمن تهديها ؟
اللهم اغفر للمسلمين والمسلمات المؤمنين والمؤمنات الاحياء منهم والاموات
وربنا يشفى اى حد مريض ويزيل عنه البلاء يارب
24-اوصفى نفسك كما تراها ؟!
رومانسيه زياده عن اللزوم كتير اوى بلغى عقلى فى التفكير
بتعامل بتلاقائيه اوقات بتودينى فى داهيه
25-و اخيراً صفى نفسك بكلمات بسيطة كما يراكى الناس ؟؟؟؟
مش هقدر اوصفلك نفسى زى مابيشوفونى الناس لان كل واحد له رأى
يعنى فيه ناس بيقولوا عليا طيبه وحنينه ودمى خفيف
فيه ناس تانيه ممكن يقولوا عليا مغروره وحصلت كتير
وكفاية كدا عليكى يامنمن ولنا عودة ان شاء الله
ماشلى يااستاذه مهى وانا منتظره عوتك
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف om yousef الأحد نوفمبر 01, 2009 2:07 am
معلش يااسلام هرد عليك لما ارجع لانى قايمه رايحه الشغل
ساعتين كدا وارجع مش هأخر هههههههه
ساعتين كدا وارجع مش هأخر هههههههه
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف فارسة الرومنسيه الأحد نوفمبر 01, 2009 4:54 am
ينهار مسكينه يا قلبي
دول مصدقو وتجيهم فرصه ينتقمو ويهروكي اساله
اسالك سؤال
عمرك حبيتي وكان حب بجد ولا ايام مراهقه وعدة السؤال مافي شي
هههههههههههه سلام ياقمري
دول مصدقو وتجيهم فرصه ينتقمو ويهروكي اساله
اسالك سؤال
عمرك حبيتي وكان حب بجد ولا ايام مراهقه وعدة السؤال مافي شي
هههههههههههه سلام ياقمري
فارسة الرومنسيه- مشرف جامد
- عدد المساهمات : 45
تاريخ التسجيل : 01/11/2009
العمر : 33
رد: الاماراتى و كرسى الاعتراف
من طرف مبرمج الأحد نوفمبر 01, 2009 10:20 am
يالهوووووووووووي ايه الاسئلة دي ارحموها شوية دي باين عليها غلبانة لا كفاية عليها الاسئلة دي دلوقتي
مبرمج- مدير عام المنتدي
- عدد المساهمات : 141
تاريخ التسجيل : 28/10/2009
العمر : 36
رد: الاماراتى و كرسى الاعتراف
من طرف omar الأحد نوفمبر 01, 2009 11:48 am
الاسم ؟عمر
الوظيفة ؟ ربنا يسهل
المدينة ؟سوهاج
الدراسة ؟كلية الاداب
الهدف؟ احضر دكتوراة
اعز الاصدقاء؟ اصحابى فى الكلية
الهواية؟مشاهدة كرة القدم
الوظيفة ؟ ربنا يسهل
المدينة ؟سوهاج
الدراسة ؟كلية الاداب
الهدف؟ احضر دكتوراة
اعز الاصدقاء؟ اصحابى فى الكلية
الهواية؟مشاهدة كرة القدم
omar- عضو مبتدئ جامد
- عدد المساهمات : 4
تاريخ التسجيل : 29/10/2009
رد: الاماراتى و كرسى الاعتراف
من طرف om yousef الأحد نوفمبر 01, 2009 1:14 pm
[
اولا اسفه عالتأخير
من اقرب الناس اليكى ؟
زمان كان فيه ناس اقرب منى لنفسى
لكن اتصدمت فيهم كتير اوى فدلوقت بعتبر الكل بالنسبالى زى بعض
لكن بدرجات مختلفه
لما تكونى فى محنة مين اول شخص بتلجئيلو ؟
انا واثقه ان مفيش حد هيقف معايا فى اى محنه غير ربنا
والله احن عليا من امى وابويا وياما عدانى من محن كتير
خصوصا لما كنت الجأ لحد والاقيه مش موجود او مش فاضى
كنت بعرف ان ربنا عاوزنى ارجعله هو والله بحمد ربنا دايما ان هو ربنا
وبحبه اوى
اية اكتر الاقسام اللى تحبى تدخليها فى اى منتدى ؟
زمان لو تفتكر يااسلام كنا دايما موجودين فى قسم الترفيه
ويمكن لاننا كنا مرتبطين ببعض اوى هناك مش مجرد انه العاب وخلاص
لكن بعد كدا لما حصلت مشاكل وبدأت اخرج عن القسم لقيت ان فيه حاجات اهم
حسيت وقتها انى هايفه شويه ومش بعمل حاجه مفيده فبقيت ادخل اكتر القسم العام والاسلامى
وبرضو قسم الترفيه
لو معاكى 3 وردات ممكن تهديهم لمين من المنتدى ؟
اممممممم 3 وردات اديهم لمين
طبعا ورده ليك يااسلام
ورده لشاهنده
ورده لمهى
والباقيين مش يزعلوا بقى لانهم 3 وردات بس
اول ما تدخلى المنتدى مين اول عضو بتبحثى عن مشاركاتة (بصراحة)؟
بصراحه بصراحه انا بدور عالمواضيع مش المشاركات
اية شعورك لما بتثقى فى شخص و بمرور الايام تكتشفى انو مش اهل للثقة دى ؟
احساسى هيبقى صعب اوصفه لانه هيدمرنى انا
لان معنى انى وثقت فيه يعنى حبيته وآمنتله وصدقته بعدها يخون الثقه دى
وميبقاش ادها بيخلينى افقد الثقه فكل اللى حواليا
لكن مشكلتى انى بنسى القسوه وممكن اسامح
لكن لو حسيت انه اتغير وندم فعلا بس هيبقى صعب اثق فيه تانى
الا اذا اثبتلى انه جدير بالثقه دى
لكل انسان مبدا فى حياتة (ياترى اية مبدئك فى الحياة اللى مش ممكن تتخلى عنو )؟
المبادئ كتير اوى وممكن فى زحمة الدنيا نتخلى عن بعضها
لكن المبدأ الاساسى انى مش معنى انى غلطت او عملت حاجه غلط
انى اتنازل عن باقى المبادئ يعنى خربانه خربانه
لا طبعا لما اغلط اصلح على اد مقدر ومتنازلش عن حاجات لمجرد انى اتنازلت عن حاجه
كمثال مثلا ان واحده غلطت وكلمت ولد عالنت وعرفت انها غلطانه
هل دا معناه انها تكلم ولاد عادى لا طبعا
اية اللى شاغل بالك دلؤتى غير اسئلة كرسى الاعتراف؟
بصراحه موضوع الثقه دا ياترى ممكن اتصدم فى حد انا وثقت فيه تانى
ياترى ممكن لو حصل استحمل ولا
و شكرا
و لنا عودة مرة اخرى
وانا فى انتظار اى اسئله تانيه والله الموضوع ممتع بجد
انا كنت متخيله انى هزهق لكن بالعكس والله فرحانه جدا وانا بحكى وافضفض
ويلا بقى اللى عندوا اسئله يكتبهالى
اولا اسفه عالتأخير
من اقرب الناس اليكى ؟
زمان كان فيه ناس اقرب منى لنفسى
لكن اتصدمت فيهم كتير اوى فدلوقت بعتبر الكل بالنسبالى زى بعض
لكن بدرجات مختلفه
لما تكونى فى محنة مين اول شخص بتلجئيلو ؟
انا واثقه ان مفيش حد هيقف معايا فى اى محنه غير ربنا
والله احن عليا من امى وابويا وياما عدانى من محن كتير
خصوصا لما كنت الجأ لحد والاقيه مش موجود او مش فاضى
كنت بعرف ان ربنا عاوزنى ارجعله هو والله بحمد ربنا دايما ان هو ربنا
وبحبه اوى
اية اكتر الاقسام اللى تحبى تدخليها فى اى منتدى ؟
زمان لو تفتكر يااسلام كنا دايما موجودين فى قسم الترفيه
ويمكن لاننا كنا مرتبطين ببعض اوى هناك مش مجرد انه العاب وخلاص
لكن بعد كدا لما حصلت مشاكل وبدأت اخرج عن القسم لقيت ان فيه حاجات اهم
حسيت وقتها انى هايفه شويه ومش بعمل حاجه مفيده فبقيت ادخل اكتر القسم العام والاسلامى
وبرضو قسم الترفيه
لو معاكى 3 وردات ممكن تهديهم لمين من المنتدى ؟
اممممممم 3 وردات اديهم لمين
طبعا ورده ليك يااسلام
ورده لشاهنده
ورده لمهى
والباقيين مش يزعلوا بقى لانهم 3 وردات بس
اول ما تدخلى المنتدى مين اول عضو بتبحثى عن مشاركاتة (بصراحة)؟
بصراحه بصراحه انا بدور عالمواضيع مش المشاركات
اية شعورك لما بتثقى فى شخص و بمرور الايام تكتشفى انو مش اهل للثقة دى ؟
احساسى هيبقى صعب اوصفه لانه هيدمرنى انالان معنى انى وثقت فيه يعنى حبيته وآمنتله وصدقته بعدها يخون الثقه دى
وميبقاش ادها بيخلينى افقد الثقه فكل اللى حواليا
لكن مشكلتى انى بنسى القسوه وممكن اسامح
لكن لو حسيت انه اتغير وندم فعلا بس هيبقى صعب اثق فيه تانى
الا اذا اثبتلى انه جدير بالثقه دى
لكل انسان مبدا فى حياتة (ياترى اية مبدئك فى الحياة اللى مش ممكن تتخلى عنو )؟
المبادئ كتير اوى وممكن فى زحمة الدنيا نتخلى عن بعضها
لكن المبدأ الاساسى انى مش معنى انى غلطت او عملت حاجه غلط
انى اتنازل عن باقى المبادئ يعنى خربانه خربانه
لا طبعا لما اغلط اصلح على اد مقدر ومتنازلش عن حاجات لمجرد انى اتنازلت عن حاجه
كمثال مثلا ان واحده غلطت وكلمت ولد عالنت وعرفت انها غلطانه
هل دا معناه انها تكلم ولاد عادى لا طبعا
اية اللى شاغل بالك دلؤتى غير اسئلة كرسى الاعتراف؟
بصراحه موضوع الثقه دا ياترى ممكن اتصدم فى حد انا وثقت فيه تانى
ياترى ممكن لو حصل استحمل ولا
و شكرا
و لنا عودة مرة اخرى
وانا فى انتظار اى اسئله تانيه والله الموضوع ممتع بجد
انا كنت متخيله انى هزهق لكن بالعكس والله فرحانه جدا وانا بحكى وافضفض
ويلا بقى اللى عندوا اسئله يكتبهالى
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف om yousef الأحد نوفمبر 01, 2009 1:30 pm
فارسة الرومنسيه كتب:ينهار مسكينه يا قلبي
دول مصدقو وتجيهم فرصه ينتقمو ويهروكي اساله
اسالك سؤال
عمرك حبيتي وكان حب بجد ولا ايام مراهقه وعدة السؤال مافي شي
هههههههههههه سلام ياقمري
انا اسفه اوى بجد مش هقدر اجاوبلك
ممكن ياحبيبتى تسألينى اى اسئله تانيه لكن اعفينى من دا
وانا باذن الله هرد على اى اسئله منكوا
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف om yousef الأحد نوفمبر 01, 2009 1:31 pm
ها يلا فين اسئلة الباقيين
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف emaraty الأحد نوفمبر 01, 2009 4:55 pm
اجابات مقنعة و منطقية يا ام يوسف
و انا هفكرلك فى اسئلة تانية
لنا عودة مرة اخرى
و انا هفكرلك فى اسئلة تانية
لنا عودة مرة اخرى
emaraty- نائب مدير عام المنتدي
- عدد المساهمات : 155
تاريخ التسجيل : 28/10/2009
رد: الاماراتى و كرسى الاعتراف
من طرف subzero2009 الأحد نوفمبر 01, 2009 6:15 pm
الاسم احمد عادل
العمر 30
العنوان 11 ش اسيوط سوهاج
الوظيفة محاسب في الشباب والرياضه
الهواية اي حاجه تخطر على بالك بس اهمها القدم والكمبيوتر والموبايلات
من اعز اصدقائك ؟
اعز اصدقائي شريف ومهند
[b]هل انت سعيد ام حزين ؟ و لماذا ؟
الحمد لله سعيد وحزين
عارف هتقولولي ايه البني ادم الغريب دة بس هقولكم انا ليا فلسفه في الدنيا
السعادة في نظري مش ان كل حاجه عايزة تتحقق وتبقى سعيد
عارف السعادة الحقيقيه فين بجد لما تلاقي اللي حواليك بيحبوك وبيحترموك بغض النظر عن تحقيق كل احلامك يعني هقوللكم مثال بسيط جدا
الشحات لما بيلاقي 10 جنيه على الارض هيقعد طول يومه سعيد لغايه ما تتصرف كلها صح
بس لو واحد فينا لقي 10 جنيه هيعمل بيها ايه
ولا حاجه يدوب تجيب كارت شحن والله يا جماعه السعادة اللي عايز بجد تشعر بيها في عيون اللي حواليك والايمان بان اي حاجه تحصللك من عند الله
اما الحزن ليه وجوة كتيرة حزن على شخص مات حزن على فلوس راحت حزن على كليه مدخلتهاش حزن على عريس اوعروسه ضاعت منك يعني مش هقولكم بقى وجوة كتيرة ربنا يبعدنا عن الحزن جميعا بس برضو ارجع واقول الحزن هو لما تكون مكروة ولوحدك مهما كان معاك فلوس وجاة ومنصب ((من غير حب الناس السعادة مالهاش اساس ))
ما هو الحب ؟
هنييجي في قصه ماهو الحب والسؤال الصح ازاي تعرف ان دة حب
هجوابكم الاول ماهو الحب(( الحب قمه جبل يا طلعته للاخر يا وقعت منه على جدور رقبتك ))
اما الجبل هو الرومانسيه
واسمى حب في الوجود حب الله سبحانه وتعالى وحب النبي صلى الله عليه وسلم
اما ازي تعرف ان دة حب هو دة الاساس في الحب
** ايه اللي ممكن يفضحك ويفضح قلبك لما تكون انت بتحب اوعى تقولولي تصرفات الواحد واهتمامه الزايد باللي بيحبه ابدا ابدا اللي ممكن يفضحك عينيك العيون دي جهاز كشف احساس الانسان من عيون اللي قدامك ممكن تعرف تقرير كامل عن شعورة ناحيتك عارفين ليه الناس بتقول ان حب الانترنت اللي عن طريق الشات فاشل لان في ىعنصر مهم مش موجود هو العيون .
ما هى الرومانسية ؟
الرومانسيه هو دة الجبل اللي قمته الحب الرومانسيه عالم من خيال ممكن يكون سراب وحلم جميل بس خللي بالك من رقبتك
وممكن تلاقيه حياة ما بعدها حياة جنه مفروشه بالمشاعر المعطرة باحاسيس رقيقه ومرهفه
بتشوف اللي قدامك مهما كانت عيوبه بالشكل الملائكي اللي انت عايز تشوفه فيه ودة ممكن يظهر في مثل مرايه الحب عاميه وممكن يكون نظرك ابعد من كدة وهو دة بيت القصيد وتقدر من غير منظار انك تشوف قلبه اللي بين ضلوعه يعني من الاخر يكون كتاب مفتوح قداتمك شفاف واضح المعالم
ما هى الخيانة ؟
اما الخيانه والعياذ بالله دي عبارة عن قصر لامع وفاخر من برة واسود ومليان بالحفر من جوة لو غرك منظرة من برة وخطيت برجللك لجوة مش هتعرف تطلع منه الا بمعجزة وزمن المعجزات انتهى ولو دخلت جوة عمرك مهتعرف طعم السعادة لانك زي ما قلنا في الاول هتكون لوحدك بعيد عن اللي بيحبوووك .
واقول في النهايه جبل في نهايته حب اجمل من قصر في داخله عذاب ومهانه
[/b]
subzero2009- مشرف جامد
- عدد المساهمات : 29
تاريخ التسجيل : 28/10/2009
العمر : 45
الموقع : www.islamway,com
رد: الاماراتى و كرسى الاعتراف
من طرف om yousef الإثنين نوفمبر 02, 2009 12:01 am
emaraty كتب:اجابات مقنعة و منطقية يا ام يوسف
و انا هفكرلك فى اسئلة تانية
لنا عودة مرة اخرى
وانا منتظره اى اسئله ان شاء الله
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف قلب سندريلا الإثنين نوفمبر 02, 2009 7:03 am
انا بقا هسأل شويه
1_ اكتر امنيه كان نفسك تتحقق بس متحققتش؟
2_ تقولي لمين اسفه على كل لحظه اخلاص اخلصتها؟
3_لو معاكي ورده تهديها لمين؟
4_ اخر مره بكيتي امتى؟
ويا رب ما اكون تقلت عليكي بأسئلتي
اه صحيح عايزه اقولك حاجه
وحشاني اوووووي اوي بجد يا منى
ويا رب تكوني بخير دايما
1_ اكتر امنيه كان نفسك تتحقق بس متحققتش؟
2_ تقولي لمين اسفه على كل لحظه اخلاص اخلصتها؟
3_لو معاكي ورده تهديها لمين؟
4_ اخر مره بكيتي امتى؟
ويا رب ما اكون تقلت عليكي بأسئلتي
اه صحيح عايزه اقولك حاجه
وحشاني اوووووي اوي بجد يا منى
ويا رب تكوني بخير دايما
قلب سندريلا- عضو مبتدئ جامد
- عدد المساهمات : 60
تاريخ التسجيل : 01/11/2009
العمر : 34
رد: الاماراتى و كرسى الاعتراف
من طرف منى الإثنين نوفمبر 02, 2009 9:43 am
حرام عليكو كدا خفوا عنها شوية كل دى اسئلة دا لو امتحان ثانوية عامة مش هيبقى كدا والله
الله يكون فى عونك يامنمن
الله يكون فى عونك يامنمن
منى- مشرفة جامدة في قسم الاخبار العالمية
- عدد المساهمات : 159
تاريخ التسجيل : 29/10/2009
رد: الاماراتى و كرسى الاعتراف
من طرف om yousef الإثنين نوفمبر 02, 2009 1:10 pm
انا بقا هسأل شويه
1_ اكتر امنيه كان نفسك تتحقق بس متحققتش؟
انا مش هقولك اكتر امنيه انما هقولك اللى بعدها
هى انى بحب علم النفس جدا وخصوصا مجال ذوى الاحتياجات الخاصه
وكنت مقدمه فى دبلومة اكلينكى عشان تساعدنى اكمل
لكن الحمد لله ربنا مقرنيش ادخلها
2_ تقولي لمين اسفه على كل لحظه اخلاص اخلصتها؟
اسفه بجد اوى لاى حد اخلصتله وغدر بيا
3_لو معاكي ورده تهديها لمين؟
لو ورده واحده مش هديها لحد هحتفظ بيها فى كتاب غالى عليا
4_ اخر مره بكيتي امتى؟
امبارح
ويا رب ما اكون تقلت عليكي بأسئلتي
لا ابدا دا حتى اسئلتك مش كتيره
اه صحيح عايزه اقولك حاجه
وحشاني اوووووي اوي بجد يا منى
ويا رب تكوني بخير دايما
انتى كمان ياعلا والله وحشتينى كتير جدا
1_ اكتر امنيه كان نفسك تتحقق بس متحققتش؟
انا مش هقولك اكتر امنيه انما هقولك اللى بعدها
هى انى بحب علم النفس جدا وخصوصا مجال ذوى الاحتياجات الخاصه
وكنت مقدمه فى دبلومة اكلينكى عشان تساعدنى اكمل
لكن الحمد لله ربنا مقرنيش ادخلها
2_ تقولي لمين اسفه على كل لحظه اخلاص اخلصتها؟
اسفه بجد اوى لاى حد اخلصتله وغدر بيا
3_لو معاكي ورده تهديها لمين؟
لو ورده واحده مش هديها لحد هحتفظ بيها فى كتاب غالى عليا
4_ اخر مره بكيتي امتى؟
امبارح
ويا رب ما اكون تقلت عليكي بأسئلتي
لا ابدا دا حتى اسئلتك مش كتيره
اه صحيح عايزه اقولك حاجه
وحشاني اوووووي اوي بجد يا منى
ويا رب تكوني بخير دايما
انتى كمان ياعلا والله وحشتينى كتير جدا
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
رد: الاماراتى و كرسى الاعتراف
من طرف om yousef الإثنين نوفمبر 02, 2009 1:12 pm
منى كتب:حرام عليكو كدا خفوا عنها شوية كل دى اسئلة دا لو امتحان ثانوية عامة مش هيبقى كدا والله
الله يكون فى عونك يامنمن
ولا يهمك يامونى بالعكس انا مش مدايقه من الاسئله خالص
عالاقل هيخلينا نعرف بعض اكتر لما كل واحد يتكلم عن نفسه كدا
om yousef- مشرفة جامدة في القسم الاسلامي
- عدد المساهمات : 324
تاريخ التسجيل : 29/10/2009
العمر : 36
الموقع : منتدى مصطفى حسنى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى