البخلاء ما اجملهم

بسم الله الرحمن الرحيم/

ااااااااااااااااااااااااااااه من البخل وسنينه ....
قرنى ومراته ولعيال .............
انا امنية حياتى انى اشوف قرنى بيشرب شاى فى البيت عنده ... هو كييف شاى
بس من بره البيت ... ارفع حمار فى البلد بتاعه ... البيت الوحيد فى البلد اللى مفهوش فران .. مش عارف ليه .... عنده جلابيه بتاعت جده ابو ابوه ومعندوش غيرها يملك 12 فدان ومع ذلك فقير .............
جالى فى يوم . يحكيلى همه وغضبه وندمه ان اكرم مراته وهى ما تستحقش ...وكان راسم على كباية شاى ....
ضرب الجرس... طلعت اشوف مين لقيته عوضين ( قرنى )
قلتله ياقرنى ياحبيبى هو انا مش قلتلك ميت مرة ما تضربش االجرز علشان بيسحب كهربه. لما تجيلى تبقى تنادى ... هو انت مش هتسكت الا لما اجيلك واضرب الجرس عندك
قالى معلشى انا نسيت يامحمد ياخويا اصلى شايل الهم بعيد عنك .وقلت اما اجى افضفض معاك ونشرب اتنين شاى ..... قلتله اهه ؟ رد بسرعة وقال مش عندك ما احنا هنروح لاحمد نشرب عنده ... قلتله ثانيه واحدة وفى ثانيه كنت نزلت .......
مشينه نتكلم ووصلنا عند احمد ..... تعمدنا نضرب الجرس عشان يطلع بسرعة ...
مد قرنى ايده على الجرس بصينا لقينا احمد عا الباب وبيشخط فى قرنى وكان هيتخانق معاه... قعدت اهديه ييجى نص ساعة لحد ما هدى .. وقلتله انت عارف ان قرنى
عقله صغير وميقصدش قالى انا عارف بس كله الا الجرس انت عارف انا بادفع كهربه
كام فى الشهر .... انا اتخرب بيتى من الحكومة انا باشتغل علشان ادفعلهم ..
انا بادفع 3ج يامحمد وشد قوى فى كلمة 3ج دى += اصل احمد حظه حلو عنده فى
البيت ساكن بيدفعه نص الكهربه احمد 3ج والساكن 147ج قسمة العدل ..
اللى حكمنا بيها يوم ما عم لبيب جه يسكن عند احمد والراجل غلبان قال ماشى
ياجماعة اللى انتو شايفينه ... فانا بصراحة قلتله بص ياعم لبيب احمد هيدفع كل شهر
3ج وانت تدفع الباقى ان شالله ييجى الوصل ب3ج احمد هيدفعهم وانت متدفعشى
الراجل علشان غلبان مضى على الكلام ده ..... وبيطلع روحه كل اول شهر
وطبعا احمد مش مرضى لانه كان عايزه هو اللى يدفع النور كله ......
ولما الحكومه حطت الزباله على الكهربه عم لبيب حلف ما دافع الزباله ..واحمد
حلف ان ما هو دافعها هو كمان .... انا ادخلت وحليت المشكله قلت: ياجماعة انت
عاملين مشكله من غير مشكله .... انت يا احمد مش عايز تدفع قالى اااااااااه
قلتلو خلاص ما تدفعش .. عم لبيب هيدفع محلوله يعنى .. والراجل علشان غلبان
قال ماشى ومضى على الكلام ده ......
المهم انا عارف ان احمد شايل منى انى خليته يدفع 3ج فى الكهربة وكان عايز الساكن هو اللى يدفعها كلها ..... فكل اما اناديله اضربله الجرس فدمه يفور .. ويشد فى شعره
فا مصدق ان قرنى ضربه فضربه .......
ضرب الجرس احمد ضربه ... واضحه يعنى
وقفنا احمد فى الشارع ييجى نص ساعة لا عايز يقلنا اتفضلوا ولا احنا راضيين نمشى
فكرت بسرعة فى حيلة تطلعنا شقته ..... وبالمرة نشرب الشاى
فقلتله ............... انا بقى جيبلك معايا مفاجأه لازم تشوفها قالى ايه ايه ورينى والنبى
قلتله ما ينفعش فى الشارع دى حاجات من اللى انت بتحبها .... فخدنى من ايدى على فوق وقرنى دخل ورانه - قلت فى نفسى احنا دخلنا نص المسافة وصلناها ناقص النص
الصعب ... قالى احمد _ هاه ورينى كده ... قلتله ياراجل انت عايزنى اوريك الامانه
من غير ما اعدل دماغى بكباية شاى ......... صوت وقال ااااااااه بتقول ايه
شاى .. شاى ... وراح جارى على الباب فاتحه وقالى مع السلامه انت بتهزر يا احمد دى انا
قالى لا. لا .. طالما الامر وصل للدرجادى يبقى نقطع صدقتنا احسن ....
قلتله انت صدقت وللا ايه هو انا اجرؤ اطلب طلب بجح زى ده .....؟
الدم رد فى وشه بعد الكلمتين دول ودخل يضحك وقال طبعا مصدقش اا عارف انك
مش استغلالى للدرجادى .... انت يامحمد اللى ما ترضهوش على نفسك ما بترضهوش
لغيرك انا عارفك ... وانا طبعا كنت بهزر معاك لما كنت باكرشك .......
وانا عارف انه كداب لانه كان بيكرشنا بجد .... وهو عارف انى كداب لانى نفسى فى كباية
شاى ولو من غير سكر بجد .............
قعد يقولى ورينى بقى الامانه ... وانا عمال افكر اوقعو ازاى انه يعملنا شاى حتى ولو كبايه ونقسمها انا النص وقرنى الربع وانا الربع الاخير ......
فقلت ......... ايه ... تصدق يا احمد انا بقالى حوالى تلات شهور ما شربتش شاى
قالى انا بقالى خمسة؟؟؟؟؟؟؟؟
قلتله اما انت بتجيب نوعية شاى مش موجوود عند حد ؟
قالى لا موجوده دى شاى العروسه
قلتله ياه امال طعمه بيقى ليه نكهه غريبة كدى ليه ؟.؟.
قالى: اصله بيبقى مغلى كذا مرة
قلت فى سرى قربت اوصل
قلتله : اللهم صلى على النبى . بيقى مغلى كام مره وبيقى بالحلاوة دى
قالى : قاااااااااا ما انا با نشفوا فوق على السطح
قلت ااااه الجو عندك فى الشقة هنا حر قوى ما تيجى نطلع فوق
قالى لآ السطح مقفول والمفتاح مش معايا
المهم اجيلو كدى يجيلى كدى
اقول ابيض يسودهالى .... لحد ما قلت لقرنى مفيش حل الا اننا نشرب الشاى عندك
انت ؟؟؟
رد بسرعة واتاوب وقال اصل خلاص انا هروح انام ياجماعة خلوها فى يوم تانى
قلتله طب ما تيجى نشرب الشاى عندى الاتنين قالو ماشى ؟....
اتوبت وقلت طب ما تخلوها فى يوم تانى لاحسن الواحد هيروح ينام ياجماعة .
وشكرا لكم

جامدة ياسلام تسلم الايادى

حلوة تسلم الايادى