رسالة هامة جدا ؟؟؟
صفحة 1 من اصل 1
رسالة هامة جدا ؟؟؟
السلام عليكم ورحمة الله وبركاته
اخواني الكرام من مصر والجزائر
نظرا لما تؤل اليه الاحداث وتفاقم المشاكل بيننا بشكل وصل الى حد لا يطاق فعلا
وصل الى حد لابد ان يكون هناك وقفه وكلمه لتعيد التفكير في امور كثيره جدا
هذه الامور جعلت والله اسرائيل وكل الدول الغربيه تضحك علينا وتستهتر بينا
واه واه واه
انا هتكلم عن وجهة نظري في الموضوع واتمنى انها تجد ولو شخص واحد تجعله يعيد النظر في تفكيره من هذا الجانب
بالرغم من اني متاكد ان شاء الله وبثقة من الله انني ساجد مقتنعين كثر بفكرتي ولتغيير طريقة التفكير تلك
اولا الموضوع دخل في جوانب خطيره كتيييييييييييير جدا
الموضوع في الاصل ما هي الا مباراه في كرة القدم
والله ان بجد محسيتش بالحزن اللي انا حاسه دلوقتي الا ايام الحرب على غزة
هو فيه ايه ؟
هو عشان مطش كوره يحصل كل الهيصه والهوجه دي
عشان مطش كوره نسب ونلعن ونشتم في بعض ونحرق ونطفي ونعمل تمثليات هزليه و و و و و و و
كل دا عشان ايه ؟
عشان الكوره
بجد والله ملعون ابو الكوره اللي تعمل كده
ياريت نكمل القراءه لحد الاخر
ليه بجد اللي حاصل دا ؟
هل احنا عارفين ايه عواقب المهازل الكبييييييييييييييييره جدا اللي احنا قاعدين بنعملها دي
لما يجي واحد يشتم في الناس ويلعن ويسب ويطلع وينزل و و و وو و
يقوم واحد من الناس رادد عليه ويشتم ويسب ويلعن و و و و هو كمان
ويخش دا ف الموضوع ودا في الحكايه ودا يشتم دول ودول يلعنوا في دول و ..... اه اه اه
احب افكر اخواني الكرام بحديث تاني عن الرسول الكريم صلى الله عليه وسلم
الحديث بيقول سباب المسلم فسوق وقتاله كفر
هل انت تحب تكون محشور يوم القيامه مع الفساق ؟؟؟؟؟؟؟؟؟
هل تقدر تخش النار وتتعذب ف النار ؟؟؟؟؟؟؟؟؟؟؟؟
طبعا الاجابه هتكون لا
طيب طالما انت بتقول انك بتخاف من عذاب النار ليه بتسب اخوك المسلم ؟؟؟؟؟؟
ليه ؟ عشان ايه ؟
عشان مطش كوره !!!!!!!!!!!!!
فاكرين الحديث النبوي الشريف اللي سال فيه سيدنا محمد عليه الصلاة والسلام الصحابة وقالهم
اتدرون من المفلس ؟ قالوا المفلس فينا من لا درهم له ولا مال .
قال لا انما المفلس من اتى يوم القيامه ومعه حج وصوم وصلاة وزكاه وقد سب هذا وسفك دم هذا واكل مال هذا
فياخذ من حسناته وان فنيت حسناته اخذت من سياتهم فطرحت عليه فيطرح في النار والعياذ بالله
هل حد فينا يقبل يكون مفلس ؟
حد فينا يقدر يستحمل عذاب النار ؟
طبعا لا
طيب ليه احنا بنجرجر نفسنا للنار
لييييييييييييييييييييه ؟
دا حتا كلنا عرب
وكلنا اخوه
ليه ماتش كوره يخلينا نبقى مفلسين يوم القيامه
اتمنى تكونوا متخيلين الوضع يعني اهوال يوم القيامه ممكن متحسش بيها خالص لانك انسان تقي وعابد لربنا والحمد لله
وممكن تلاقي نفسك كنت بتعمل اعمال صالحه كتير وبتصلي وبتصوم و و و تلاقي نفسك بقيت مفلس
ليه لانك في يوم من الايام قلت على اخ ليك كلمه وحشه سبيته اتهمته زور او او او او
دلوقتي اذا حددنا الوضع اكتر
لما واحد من الجزائر يسب ويلعن في المصريين عشان الاعلام قال ان المصريين بهدلوا الجزائريين
اتمنى والله من كل قلبي الاقي دليل حي موثوق غير ملفق على حاجه زي دي
يعني كمثال س من الناس قرأ خبر ان المصريين عملوا وعملوا وعملوا
اول حاجه يروح يعملها يقوم يشتم ف اول مصري قابله ويسب في مصر وشعب مصر
يعني الاخ س دا بياخد وزر ال 80 مليون مصري اللي سبهم من غير وجه حق
ويجي الاخ ص من مصر يقوم رادد عليه فيسب ويلعن الشعب الجزائري كله
فهو كمان يشيل وزر ال 35 مليون جزائري
ليه احنا نشيل اوزار زي دي
سؤالي للجزائريين : هل المصريين دول دخلوا ارضكم احتلوها ؟
هل المصريين دخلوا عليكم بالطيارات والدبابات موتوكم ؟
ونفس السؤالين دول للمصريين برده
هل الجزائريين هاجمونا واختلوا ارضنا ؟
هل ضربونا بالطيارات والدبابات ؟
لا والله الاجابه من كلا الطرفين لا والله
انما ليه السب والشتم والهيصه الكبيره دي ؟ عشان خاطر ماتش كوره
والله بجد في حاجات اهم من كده كتير اننا نوحد نفسنا ونوفر مجهودنا ونحافظ على اعمالنا الحسنه
ومش ماتش كوره اللي هيخلينا نكره بعض ونخش في دوامه بسبب الاعلام هدفها الاول والله اغراقنا جميعا
مش عارف اقول ايه والله يعني بجد الحزن ملأ قلبي من الاخبار والردود في المنتديات والفيس بوك و و و من المصريين والجزائريين
واحب اختم بايه في سورة الفرقان
وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاءً مَّنثُورًا
فياريت طلب من كل عاقل
بالله عليك متخليش كل اعمالك الصالحه هباء منثور بسبب مطش كوره
دي وجهة نظري والله في الموضوع كتبتها ونشرتها ليكم لاني حسيت ان الموضوع فلت جدا
وداخل على مرحلة سوداء
انا حاسس اني طولت عليكم بس بجد اتمنى ان اكون سبب امام الله في محاولة اصلاح ما هو ظاهر من فتنه
والسلام عليكم
ES ES- مشرف عام جامد
- عدد المساهمات : 118
تاريخ التسجيل : 28/10/2009
العمر : 36
الموقع : ***مجهول***
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى